چت رومclose
داستان ترکی
Code center
یکشنبه 02 اردیبهشت 1397 - 12:40 بعد از ظهر
اعلانات
بهترين حالت نمايش در مرورگر فايرفاکس و کروم

نام کاربری : پسورد : یا عضویت | رمز عبور را فراموش کردم


صفحه اصلی / داستان / داستان ترکی
داستان ترکی
تعداد بازدید : 103
saslar آفلاین




ارسال‌ها : 68
عضویت: 11 /7 /1392
محل زندگی: تهران
سن: 20
شناسه یاهو:
تشکرها : 6
تشکر شده : 30
داستان ترکی

ژنرال
آتیلا اسکندانی
ایللردیر
اوشاقلاردان نیفرت ائدیر. ایللردیر کؤرپهلرین باخیشلارینا غضبلهنیر.
ایللردیر تلویزیونون اوشاق رئکلاملاری غملندیریر اونو. نئیلهسین بو قوجا؟
نئیلهسین آلتمیش یاشلی خسته ژنرال. سرطان بوتون بدنینی بورویوب. دیواردان
آسلانمیش بالاجا قیزین شکیلینین گؤتورولمهسینی ایستهییر. او ایسه بوندان
لال اولماسینی! نئیلهسین بو قوجا ژنرال اوشاقلار دونیاسیندا.
بوگون
حالی داها یاوالاشیر. نئچه قوشون باشچیسی، وزیر، وکیل گؤروشونه گلیب. اسقف
گلیب؛ الینده بؤیوک بیر قیزیل خاچ. خاچ اولماسا اسقف یئره ییخیلار دئیه
دوشونور.
مکتب
اوشاقلاری دا گلیرلر. ساری، یاشیل، الوان رنگلر اوتاقدا فیرلانیر باشینا.
بیر بالاجا اوغلان شئعر اوخویور، سونرا اؤیرتمن قادین ـ «ژنرال بیزیم
قهرمانیمیزدیر! چکدییینیز شکیللری گؤسترین» دئییر.
ژنرال
بیر – بیر شکیللره باخیر. تانگین اوستونده، دیشلری گؤرونورکن گولور.
اؤنونده اؤلولر، بایراق دا اسیر. او اوچاقلار اوستونده، ائله بیل آتا مینیب
قووالاییر دوشمنی، گولور. بومبا سپهلهییر قاچان آداملارین باشینا، گونش ده
داغلارین آرخاسیندا گولور.
بیردن درد باشلاییر. یاتاغینین اؤرپهیینی جیرماقلاییر. دیشلرینی سیخیر.
آمما
گولسون گرَک. تلویزیون اونون سون ساعتلارینی جانلی اولاراق، یاییر. آنجاق
او میللتین قهرمانیدیر. بوتون ساواشلارین قودوز دیدهرگین ژنرالی.
□□□
اؤزونو
ساخلایانمیر. بیر بالاجا قیز اوشاغینا گؤزلرینی بَرهلدیر. قیشقیریر.
اوجادان دا قیشقیریر. اورکدن قیشقیریر. اوشاقلار دا قیشقیریب قاچیرلار.
نئیلهسین بو قوجا اؤلومجول قهرمان؟ بو اوشاقلارین باخیشلاری، ایللر اؤنجه
بیر کندین خاطیرهلرینی یادینا سالیر. «قانلی خوجالی»نین اوشاقلارینی.
جمعه 08 فروردین 1393 - 14:48
وب کاربر ارسال پیام نقل قول تشکر گزارش
تشکر شده تشکر شده: 1 کاربر از saslar به خاطر این مطلب مفید تشکر کرده اند: raminesi -






برای ارسال پاسخ ابتدا باید لوگین یا ثبت نام کنید.


گروه هنری بابک نهرین گروه هنری بابک نهرین
tarahion
کپی برداری از مطالب انجمن تنها با ذکر منبع مجاز و همگام با شرع میباشد